6Th-Pillar-Curtain-Call

Saraab-e-jannat mein masroof they hum
Qazi ki nazar se posheeda har qadam
Khoon ki qurbani to de chuke hum
Ab pahuch gaye dehleez-e-jahannum

Sahraa banaa sahaaraa, iska nahi tha gam
Par qafas-e-khanjar mein taaze huay zakham
Kahaan libaas - tameez ke shaukeen they, besharam?
Ab dekhne-sunne ki mehaz bangaye misaal hum

Tehreer-e-taqdeer se haare mohtaram
Dard-e-duhaai ab huaa madham
Gardish-e-wajood mein fanaa beraqam
Khwaaish-e-khaaliq se qissa mukhtatam